Стужка

У dev.by новая гісторыя пра Аргентыну. Сям’я мінчукоў, як і многія, пераехала ў Еўропу, а калі праца стала аддаленай, купіла квіткі ў Буэнас-Айрэс і паляцела на зімоўку. Сужэнцы ведалі, куды едуць — яны ўжо двойчы былі ў Лацінскай Амерыцы і марылі вярнуцца якраз у Аргенціну. Гэты аповед не пра ІТ, але пра асаблівы погляд беларусаў на краіну, якая раптам стала папулярнай, эмацыйныя арэлі ЧС-2022 (сям’я там заспела фінал), зазямленне ў патагонскай глухмені, бачны эканамічны крызіс і альтэрнатыўную манеру пакутаваць.

Беларуская каманда запусціла на ProductHunt сэрвіс для самакантролю здароўя скуры Skinive. Гэта хуткае і недарагое рашэнне для ацэнкі здароўя скуры. 

Якія прафесіі ў ІТ незаменныя, а ад каго працадаўцы даўно хочуць пазбавіцца? Ад экспертаў рынку чуваць розныя меркаванні, але мы вырашылі ўзяць інтэрв’ю ў самага бесстаронняга — ChatGPT. 

З ПВТ летась сышло больш за два дзясяткі ІТ-кампаній. Аднак Парк страціў не толькі частку рэзідэнтаў, але і рэлакантаў-замежнікаў, якія жадалі працаваць у кампаніях у Беларусі. За мінулы год рэзідэнты ПВТ працаўладкавалі ў два разы менш замежных спецыялістаў, ніж годам раней. Паглядзелі, за кошт якіх краін адбыўся недабор айцішнікаў.

Айцішнікі расказалі, як крызіс у галіне ўплывае на бэнч-умовы ў кампаніях з беларускімі каранямі.

У эфіры дзяржканала АНТ агучылі даныя аб экспарце і падатках ПВТ за 2022 год. dev.by атрымаў пацвярджэнне гэтых даных.

Беларускі Яўгенія Макарэвіч і Анастасія Марыніч стварылі праграму CenterMe — персанальнага асістэнта па зніжэнні трывожнасці ў жанчын. dev.by дазнаўся падрабязнасцей і сабраў інструкцыі, як знізіць трывожнасць, калі вакол вайна і крызіс.