1 июня 2024, 08:00

Што паглядзець у беларускім тык-току: падборка на любы густ

Сабралі некалькі цікавых беларускамоўных тык-ток акаўнтаў, якія падыдуць людзям з рознымі інтарэсамі. Падпісвайцеся і падтрымлівайце сваё.

4 комментария

Што паглядзець у беларускім тык-току: падборка на любы густ

Сабралі некалькі цікавых беларускамоўных тык-ток акаўнтаў, якія падыдуць людзям з рознымі інтарэсамі. Падпісвайцеся і падтрымлівайце сваё.

Пра ІТ і тэхналогіі

Itbeard — праект тэхнаблогера АйціБарады.
Ikbytech — блог праграміста Івана Клімчука, які знаёміць з тэхналогіямі па-беларуску.
«Першы Гікаўскі» — беларускі падкаст пра гульні, медыя, серыялы і тэхналогіі.
«Праз космас» — падкаст-падборка навін пра космас.

Агляды гульняў

Rudzi_game — канал YouTube-блогера Рудзі.
ms.bahiema — стрымерка «Мсціслаўская Багема», якая ў тым годзе трапіла ў афіцыйную праграму падтрымкі Cyberpunk 2077.
NadzeyaGames — агляды гульняў: ад Animal Crossing і да Baldur’s Gate 3.
«Малаток» — агляды і стрымы.

Агучка

«Брудны Вожык» — пераклады скетчаў, забаўляльных відэа і трэйлераў ад «Вожыка» (часамі можа быць 18+).
«Агучка Кавярня» — агучка серыялаў, мультфільмаў і проста фільмаў.
«Жужаль» — пераклад розных відэа на беларускую мову.
«Гаварун» — кіно і мультфільмы па-беларуску.

Культура (і ўсё іншае)

Bastiesmiles — відэа-зборнік беларускіх міфаў, традыцый і гісторыі.
«Бэйбус» — забаўляльна-навучальны праект «Маляваныча» — Аляксандра Ждановіча.
«Мова ад Васіля» — блог пра беларускую мову (адно з відэа нават набрала мільён праглядаў).
«Хвілінка» — зборнік цікавостак пра беларускую гісторыю, культуру і мову.
«Кінастужка» — урыўкі кіно, мультфільмаў і песень на беларускай.
«English з Наталкай» — простыя і зразумелыя ўрокі англійскай.
«ПроFood» — кулінарны блог на беларускай (не хвалюйцеся, што апісанне па-руску, апошнія відэа на матчынай мове).
«ПАТЭЛЬНЯ LIVE» — блог, як чалавек жыве, будуе дом і гатуе смачную ежу.
«Ani Minsk» — даволі папулярны лайфстайл блог ад пары.
«Першы вандраўнічы» — вандроўкі па ўсім свеце.
«Спячая Спадчына» — прыгожае пра закінутыя будынкі ў Беларусі.
«Цячэ» — медыя пра гісторыю і культуру Беларусі.
Leibonik — папулярны музычны праект айцішніка Сяргея Башлыкевіча.
Toddzie — арыгінальныя коміксы ад беларускага аўтара.
marharytakarol — «фізкультурна-гістарычна-кулінарны» блог, дзе можна даведацца як пра беларускі застольны этыкет, так і пра рацыён нашых продках, іх вераванні і звычаі (а яшчэ — атрымаць рэцэпт заціркі).