Чаму карткай мы трацім больш, а з Kindle запамінаем менш? Тлумачыць лекар

Хто піша: Андрэй Белавешкін, лекар. Першапачаткова гэты пост быў апублікаваны ў Facebook Андрэя. 

Гатоўка супраць картак

Людзі трацяць менш, калі плацяць гатоўкай, бо фізічная страта грошай адчуваецца значна мацней, чым пры безнаяўным плацяжы. За той самы тавар людзі гатовыя заплаціць у два разы больш карткай, чым наяўнымі.

Тут важную ролю адгрывае фізічнасць гатоўкі. Грошы можна пабачыць, адчуць у руках, ды і сам працэс падліку гатоўкі стварае эмацыйную сувязь, якой не стае ў лічбавых плацяжах.

Калі мы трымаем грошы ў руках, мы не проста плацім. У нас паўстае адчуванне, што мы развітваемся з часткай сябе.

Папяровыя кнігі супраць электронных

Чытаючы папяровыя кнігі вы лепей запамінаеце інфармацыю. Тыя, хто чытае з паперы, паказваюць больш высокія вынікі ў разуменні тэксту, чым карыстальнікі Kindle. Навучэнцы, якія працавалі з папяровымі матэрыяламі, паказвалі лепшыя вынікі на тэстах.

Рукапісныя нататкі супраць друкаваных

Запіс ад рукі паляпшае памяць і тое, як вы засвойваеце матэрыял. Даказана, што студэнты, якія вядуць нататкі ўручную, лепш засвойваюць лекцыйны матэрыял, чым тыя, хто друкуе іх на камп’ютары.

А людзі, якія запісваюць свае мэты ад рукі, дасягаюць іх значна часцей, чым тыя, хто толькі думае пра іх або ўносіць у праграму.

А калі вы запісваеце нешта на папяровым календары, а не лічбавым, то лепей памятаеце пра задачы. Так вы арыентуецеся на ўласны мозг, а не толькі на лічбавыя напаміны.

Папяровыя фатаграфіі і лісты супраць лічбавых

Людзі лепш запамінаюць моманты, калі друкуюць фота замест захоўвання на тэлефоне. Прагляд папяровых фатаграфій выклікае больш эмоцый і ўспамінаў, чым пракрутка галерэі на экране. Атрымліваючы фізічны ліст, людзі перажываюць на 67% больш эмоцый, чым пры атрыманні таго ж ліста электронна.

Жывыя сустрэчы супраць відэазванкоў

Напэўна, найбольш відавочны пункт. Асабістыя сустрэчы ўмацоўваюць эмацыйную сувязь і давер. Падчас жывой камунікацыі ўзровень аксітаціну (гормона даверу) павышаецца, тады як падчас відэазванка ён амаль не змяняецца.

Крыніцы, якімі карыстаўся пры падрыхтоўцы матэрыяла: 

• «Money you could touch: cash and psychological ownership», Qualitative Market Research, Vol. 27 No. 5, pp. 820-840
• Don’t throw away your printed books: A meta-analysis on the effects of reading media on reading comprehension Educational Research Review Volume 25, November 2018, Pages 23-38
• How using a paper versus mobile calendar influences everyday planning and plan fulfillment Volume33, Issue1 January 2023 Pages 115-122
• Paper Notebooks vs. Mobile Devices: Brain Activation Differences During Memory Retrieval,» Frontiers in Behavioral Neuroscience: March 19, 2021

Меркаванне аўтара можа не адлюстроўваць пазіцыю рэдакцыі. 

Што яшчэ пачытаць пра нашае здароўе і нарвовую сістэму: 

• Як аднавіць узровень дафаміну — парады лекара; 
• Што рабіць, калі няма сілаў ні на што; 
• Як TikTok уплывае на мелатанін і як правільна спаць удзень.