Ці ёсць альтэрнатывы UpWork? Разбор канкурэнтаў і хітрыкі для пачаткоўцаў

Хто піша: Дар’я Касцюкевіч, UX/UI-дызайнерка з 2+ гадамі досведу. Шукае кліентаў на UpWork. 

Вы фрылансер і хочаце падзяліцца хітрыкамі сваёй працы з камьюніці dev.by? Пішыце на [email protected]. Зробім разам нешта крутое.  

Альтэрнатывы UpWork 

• Fiverr  — фрылансер мусіць стварыць сваю абвестку, дзякуючы якой яму/ёй будуць прапаноўваць праекты. Мне не вельмі падабаецца механіка, бо так  складаней узаемадзейнічаць з замоўнікам. На UpWork я ў першым жа паведамленні магу чымсьці зачапіць персанальна, а тут абвестка будзе ўніверсальнай. І праекты больш танныя ў параўнанні з UpWork. 
• 99designs. Прынцып працы падобны да Fiverr, але выключна для дызайнераў.
• Fl.ru — прынцып працы падобны да UpWork, адрозніваецца геаграфія — платформе прызначаная для кліентаў з СНД. Ёсць агульная праблема (для выканаўцы) — замоўнікі шукаюць таннага спецыяліста. Мне аднойчы ставілі ўмову, што я буду аплочваць платформу і дамен сайта кліента. 
  Але толькі там з усіх расейскіх біржаў у мяне атрымалася нешта зарабіць. 
• Kwork — візуальна прыгожая платформа, але мала праектаў. Трэба запоўніць вельмі шмат інфармацыі пра сябе. Ёсць функцыя «маркетплэйс» — апісваеш свае паслугі і ставіш розныя тарыф аплаты. Там я атрымала адну замову.
• Праца на фуллтайм. Відавочны плюс — сацыяльная абароненасць і бонусы. Але на фрылансе можна зарабляць болей (а працаваць меней). На фуллтайм у кампанію можна пайсці за досведам, а потым браць больш дарагія і буйныя праекты на фрыланс-платформах. 

Як на гэтым фоне выглядае UpWork

Зараз платформа актыўна спрабуе выцягнуць грошы з карыстальнікаў. Вось якія змены прапанаў UpWork фрылансерам:

• Адгукацца на замовы стала даражэй. У UpWork ёсць свая «валюта» — канэкты, 10 канэктаў каштуюць 1,5$.  Раней водгук на адзін праект каштаваў 2-8 кантэктаў, зараз — ад 8 да 16.
• З’явілася функцыя «прасоўвання» сваёй прапановы. Яна платная, працуе як аўкцыён. Хто прапануе больш «канэктаў», той з’явіцца вышэй у спісе. 

У UpWork аднак і далей ёсць процьма перавагаў перад канкурэнтамі: 

• Найбольш буйная платформа;
• Большая верагоднасць знайсці добры праект;
• Вялікае камьюніці;
• Платформа таксама дапамагае шукаць праекты фрылансерам;

Мае парады для пачаткоўцаў: 

• Пачынаць з невялікіх заданняў на UpWork — гэта дапаможа атрымаць першыя замовы; 
• Надавайце шмат увагі станоўчым водгукам. Можна нават пагаджацца на ніжэйшыя рэйты, але з умовай, што кліент пакіне вам водгук; 
• Максімальна падрабязна запоўніце ўсе палі свайго профіля; 

Я зрабіла невялічкі гайдлайн для пачаткоўцаў на UpWork, спадзяюся, ён вам дапаможа. 

Зычу знайсці сваё месца і фармат працы. Няхай у вас усё атрымаецца. 

Фрылансеры, дзяліцеся вашым досведам працы на гэтых платформах у каментах! 

Меркаванне аўтара можа не адлюстроўваць пазіцыю рэдакцыі. 

dev.by, як і іншым сумленным медыям, сёння вельмі складана: рэдакцыя працуе за межамі краіны, а нашы рэкламныя даходы скараціліся ў некалькі разоў. Але мы даем рады — з вашай дапамогай.

Гэта вы дзеліцеся з намі інфанагодамі, меркаваннямі, досведам, часам і ўвагай. А 230 чытачоў падтрымліваюць нас данатамі.

У 2023 годзе мы хочам сабраць 1000 чытачоў-падпісантаў.

Дапамагчы нам можна праз Patreon. 
з Беларусі — праз Donorbox.
І шчэ крыптой, тут гаманцы.

Дзякуй, што прачыталі гэтае паведамленне. 

Што яшчэ пачытаць пра фрыланс у камьюніці: 

• «Але іншыя платформы яшчэ горшыя». Фрылансер тлумачыць, чаму UpWork скаціўся; 
• «Буду дзедам-фрылансерам». Лічбавы качэўнік распавядае, як зарабляе на UpWork; 
• Фрыланс-біржа для навічкоў: ад рэгістрацыі да першай замовы. 

Поддержите редакцию 1,5% налога: бесплатно и за 5 минут

Как помочь, если вы в Польше