Стужка

Выглядае, што прызначэнне новага кіраўніка Парка фармальна ўвязанае вось з чым.

Імя Усевалада Янчэўскага знікла з сайта Парка.

Падобна да таго, каля 10% айцішнікаў (паказвае рэсёрч devby.io) ходзяць за контроферамі «як на працу». Вывучылі контрофер як інструмент. 

Белстат працягвае закрываць інфармацыю пра ІТ-сектар і айцішнікаў: перастаў публікаваць звесткі пра медыянны заробак у ІТ. За першыя паўгода 2023 — толькі лічбы ў цэлым па сектары «інфармацыя і сувязь». Паглядзелі, колькі ў ІКТ у Беларусі спецыялістаў з найвышэйшым заробкам (10 000+ тысяч рублёў), а колькі атрымлівае ў 10 разоў менш.

Днямі Аб’яднаны пераходны кабінет паказаў на канферэнцыі «Новая Беларусь» праект будучага пашпарта новай Беларусі. Але гэтага пашпарта яшчэ няма, а атрыманне дазволу на жыхарства або грамадзянства ў месцы рэлакацыі — доўгая рэч. Выхадам — напалову жартоўным — можа стаць атрыманне пашпарта (і грамадзянства) мікранацыі.  devby.io паглядзеў, колькі грошай трэба, каб атрымаць сапраўдны машыначытэльны пашпарт ад краіны, пра якую вы дакладна ніколі не чулі.

А ўсё як мае быць. Як быццам і не было ніякіх праблем з прозвішчам.

У ідэале фермеры змогуць «размаўляць з полем» пры дапамозе ChatGPT.

Вераніка Бязручанка ўсё дзяцінства прабавіла ў вёсцы Ведрыч (Гомельская вобл.), вучылася ў школе аграгарадка Васілевічы і пабывала за гэты час у Мінску толькі аднойчы — са школьнай экскурсіяй. Пасля школы яна паступіла на фізфак БДУ, стала вывучаць оптыку, атрымала навуковую ступень і офер ад бельгійскага стартапа Morrow N.V. Стартап вырабляе акуляры з ВК-лінзай для людзей з захворваннямі.

«Кантрасны душ» для тых, каму надакучыла рубрыка #БагатыБураціна. Dzik распавядае гісторыю Сяргея, якому пасля пераезду ў Польшчу ледзь хапае на жыццё.

EPAM абнавіў даныя аб выдатках на рэлакацыю і дапамогу Украіне. Гэтыя артыкулы выдаткаў кампанія адлюстроўвае ў сваёй справаздачнасці з мінулага года — пасля пачатку вайны ва Украіне.