Ужо два месяцы як dev.by — беларускі. Што мы заўважылі

Што мы заўважылі

• усяго ад старту бел-dev.by чыталі 70K разоў;
• у лістападзе было 23K прачытанняў беларускіх тэкстаў. Гэта не вельмі шмат на тле ўсіх унікальных праглядаў (635 тысяч у лістападзе). Але будзем старацца, каб доля расла.
  
  Дапамагайце беларускім тэкстам dev.by дабірацца да аўдыторыі — шарце матэрыялы, дасылайце спасылкі сябрам! 
  
  
• беларуская мова dev.by — гэта пра ўвагу, у сярэднім чытачы шпацыруюць тут 4 хвіліны 30 секунд, гэта на 30 секунд больш, чым у сярэднім па сайце;
• не памятаем аніводнага негатыўнага каментара з нагоды беларускай мовы на сайце. Не здзіўленыя, але прыемна.

Топ тэкстаў

• Як айцішнікі ставяцца да беларускай мовы? (дзеля справядлівасці — рускую версію гэтага матэрыялу чыталі ў 8 разоў часцей).
• «Птушка» і «слімак». Як 10 год таму энтузіясты стваралі ІТ тэрміны на беларускай.
• Як айцішнік перакладае Psiphon, Ubuntu і гульні (вам захочацца перайсцi на беларускiя інтэрфейсы!).
• «Працую дворнікам, верыце ці не». Беларус пераклаў Skyrim на родную мову
• Сацсетка, куды сыходзяць з твітара. АйЦіБарада — пра Mastodon і яе беларускі сервер.

А яшчэ

Татальная беларусізацыя захліснула наш твітар у лістападзе. 

Вынік — паказы твітаў выраслі ад 60K да 150K на месяц. Найпапулярнейшы твіт: «Мінск трапіў у спіс 100 найлепшых гарадоў свету для жыцця, працы і інвеставання» атрымаў 17,3K паказаў :)

Мы хочам развіваць бел. версію далей — і нам тэрмінова патрэбныя аўтары! Пішыце ў нашыя блогі па-беларуску: пра ІТ, працу, кар’еру, тэхналогіі і ўсякае важнае для нашага ІТ-кам’юніці. Або райце аўтараў!

Цi падтрымайце dev.by данатам: любая сума штомесяц або разава. У краіне і ў свеце стала значна менш рэкламы — а нам трэба развіваць беларускую версію і працягваць рабіць важныя матэрыялы:

Нам можно помочь через Patreon. Выберите ежемесячный уровень поддержки: 10, 20, 30, 100 или 500 долларов — или внесите любую сумму.

А ещё мы принимаем криптовалюту. 

Bitcoin bc1qae22u3sg8es6j22pg4mmyrdvvym0vxjyesxhhw

Etherium 0×831a6641721E70af32dDa262F4110eB704af8c05

Tether USD (USDT) on ETH Network 0×831a6641721E70af32dDa262F4110eB704af8c05

Zcash t1R5UM9VMR1hJvJqTJ9w5bAmHxrDLJ9Nxmh

Дзякуй, што вы з намi.

Топ бесплатных VPN

Топ платных VPN