Асабіста вы зрабілі devby лепш - вось 4 змены. Дзякуй за данат

1. Матэрыялы рэдакцыі

Вашы данаты, а яшчэ інсайды у бот (10 000+ паведамленняў у год! Дзякуй за такі давер) дапамагаюць рэдакцыі рабіць больш. Мы пішам пра ўсё, што цікава, карысна, важна і балюча для кам’юніці ў Беларусі і паўсюль.

Мы разглядаем індустрыю і людзей пад лупай вялікага рэсёрча. Першымі даведваемся навіны-геймчэйнджэры. Вымяраем дно на рынку вакансій, «праслухоўваем» Добкіна :), правяраем, як справы ў каманд усіх вядомых кампаній ад IBA да Mapbox. Папярэджваем пра пагрозы — з боку Індыі і іншых цёплых краін, інвестараў-"канібалаў», AI, Трампа.

Мы гаворым з вамі пра каштоўнасці, здароўе, грошы, шмат грошай. Абмяркоўваем сэнсы голасам у старым добрым афлайне: напрыклад, з Алегам Хусаенавым. Ходзім з вамі ў школы, універы, на размеркаванне, войска. Ну і «ў айці», «з айці» і назад.

Працягваем (на жаль) хроніку рэпрэсій і гаворым пра жыццё пасля СІЗА. Даведваемся, як вам жывецца і працуецца паўсюль — у Мінску і беларускіх рэгіёнах, Польшчы, Літве, Германіі, Аўстраліі, Іспаніі, etc. Маніторым праблемы з візамі, грамадзянствам, «павіслымі кватэрамі», банкамі, зубамі, картамі рэзідэнта і іншай легалізацыяй і ўвогуле.

Разам з вамі шукаем шлях дадому (warning, ён не для ўсіх).

2. Каментары

Мы не можам пачыніць свет, але з каментамі, здаецца, справіліся. Прыдумалі, як захаваць ролю мадэратара за кам’юніці і верыфікаваць удзельнікаў без дэанона. Цяпер вы можаце кантактаваць у бяспечным (для менталочкі таксама) асяроддзі.

2000+ каментаў у месяц! З апошняга — актыўна абмяркоўваюць, як справы ў каманды апошняга крутога амерыканскага прадукту ў Мінску, ці адродзіць Трамп ІТ-краіну хаця б у зомбі-варыянце ці даб’е; як дасведчаны дызайнер год шукае працу паўсюль; гісторыю айцішніцы, якая працуе з 1988 і хоча яшчэ гадоў 20 мінімум, і шмат «сямейных» тэм (чаму айцішнікі не хочуць ратаваць дэмаграфію, як у эміграцыі трэснулі шлюбы — тут увогуле шквал!, куды паступаюць дзеці).

Дарэчы, вось тут пад інтэрв’ю з вядомым незалежным распрацоўшчыкам-мільянерам Паўлам Агафонавым нехта адзначае, што «як толькі размова з крутым чуваком — каментаў няма». І праўда. Прыходзьце гэта выпраўляць.

3. UGC

Дзівосна — наша платформа аўтарскіх блогаў бурліва развіваецца ў эру мацнеючай (сама)цэнзуры і ананімаў. Вы не толькі дзеліцеся ідэямі і каментуеце, але і самі ствараеце цікавыя тэксты. У нас публікуюцца 150+ аўтараў з асабістымі блогамі, многія пішуць з Беларусі.

Кола тэм найшырэйшае, як і гео: вы пішаце пра досвед жыцця, працы і адпачынку ў Мінску, абласных гарадах, Сан-Францыска, Амстэрдаме, спадарожніках Лондана, Парыжы, Казахстане, etc. Разважаеце пра навіны і трэнды-2025 — эфектах тарыфаў Трампа, хлусню ў найме, анамаліях рынку нерухомасці ў Мінску, праблемах аўтсорса ці AI-пагрозе для праграмістаў.

Дарэчы, далучайцеся тут ці пішыце кам’юніці-рэдактарцы.

4. Ахоп — 3 мільёны чалавек

Агульны рыч усіх нашых пляцовак на пачатку 2025 — 3 мільёны чалавек. Вядома, паміж пляцоўкамі магчымы перасячэннi. Але гэта вельмі ўражлівыя лічбы для часоў, калі нас узмоцнена раз’яднаюць і абставіны, і «спецыяльна навучаныя людзі». Мы застаёмся утульным опенспэйсам для сустрэч беларускай супольнасці worldwide і насуперак усяму нават расцем.

Каб падтрымліваць гэтыя маштабы і тэмпы, а яшчэ прыдумляць новыя праекты і пашыраць геаграфію, нам па-ранейшаму крытычна важная ваша дапамога. Усе спосабы манетызацыі беларускіх медыя ў выгнанні амаль зніклі.

Мы — месца салідарнасці беларускага кам’юніці, пакуль вы з намі. Дзякуй.

Як заданаціць

Любая дапамога важная. Вы можаце заданаціць devby ці аформіць штомесячную падпіску на камфортную для вас суму. Рэгулярныя плацяжы вельмі каштоўныя: яны дапамагаюць нам планаваць і размяркоўваць бюджэт.

А яшчэ мы паклапаціліся пра тое, каб данаціць было зручна. Вы можаце адправіць дапамогу з дапамогай:

• Stripe
• Donorbox
• Patreon

Крыптавалюты

• Bitcoin (BTC)
  bc1qv4gwu9kn847f4t4vvces9559m45kf2vmjnkprv
• Etherium (ETH)
  0×276e0eC1bf16cfB5E0934382B6e09Ce1836b28Ba
• USDT (TRC-20)
  TVHS26SZvN57PzfkPveknqntcZ2ayezWPm

Бонусы

1. Чытачы, якія падпісваюцца на штомесячныя плацяжы ад $20/80 zł, атрымліваюць бонусы:

• сайт без рэкламы,
• статус верыфікаванага карыстальніка,
• 15% зніжка на вывучэнне польскай у школе Polski na Tak (для падпісчыкаў ад 90 zł).

2. Падтрымліваць devby — падтрымліваць беларускую журналістыку. У нашай камандзе сабраліся дасведчаныя спецыялісты з глыбокім разуменнем беларускага ІТ-рынку і супольнасці. Мы стараемся знаходзіць вострыя, карысныя, важныя для індустрыі гісторыі і расказваць пра іх вам.

Дзякуй за дапамогу! Давайце трымацца разам. А калі ў вас ёсць тэмы, ідэі ці інсайды, вы хочаце быць на сувязі з рэдакцыяй, весці блог ці whatever, пішыце нам на editor@devby.io ці у бот.