Стужка

Дзве не звязаныя адная з адной крыніцы ў адной з буйных ІТ-кампаній паведамілі dev.by, што кіраўніцтва праводзіць гутаркі з супрацоўнікамі, якія данацілі ў фонды, у прыватнасці ByPol і BySol. Паводле слоў суразмоўцаў, з адміністрацыі Парка ў кампанію нібыта даслалі спісы такіх супрацоўнікаў. 

ІТ-менеджар Зміцер Брыцько — той, што шукае працу некалькі месяцаў, але бяруць толькі ў прыбіральшчыкі, — напісаў новы пост пра свой пошук. Ён купіў навагоднія паштоўкі, раздрукаваў і прыклаў да іх рэзюмэ — і пайшоў віншаваць са святамі па айцішных офісах. Дзесьці Змітра сустрэлі гасцінна, а дзесьці — наадварот.

У снежні завод «Гарызонт» заявіў пра пачатак серыйнай вытворчасці і продажу ноўтбукаў уласнай зборкі пад брэндам H-book. Ноўтбукі працуюць на працэсарах Intel. Яшчэ ў сакавіку 2022 года Intel заяўляла, што спыняе пастаўку прадукцыі ў Беларусь і Расію праз пачатак вайны ва Украіне. Што ў Intel думаюць пра выкарыстанне працэсараў у ноўтбуках беларускага дзяржпрадпрыемства?